DENNIS
dennis11101
Follow
Mention
我收到由「女狀元牙醫」助護直接上門交給我的律師信，要求我即時移除上一個 Threads 的貼文及要求我公開向她致歉。
本人重申：早前發表的內容，均完全基於本人作為病人的親身就診經歷，以及本人當時對診症過程的真實理解、觀察及感受而作出分享。
針對律師信的指控，我再次還原當日客觀事實：
1. 關於姚子晴牙醫於律師信提到「我沒有主動詢問價錢」：
整件事始於早前的洗牙療程。在接受牙醫主動建議的補牙後，我的牙齒狀況出現惡化。到了覆診當天，我正處於牙齒極度劇痛、心力交瘁的狀況下，牙醫當時向我表明：「不杜牙根隻牙就會死同甩」。 當我表示需要時間考慮時，她卻追問：「需要考慮甚麼？」並表達這是她最建議的方法。當時我唯一的想法是消除當下的劇痛，在完全沒有被主動、充分告知療程風險與費用的情況下，在當時的心理施壓環境下，我只能無助地順從醫生的主導。
2. 關於律師信提到「診所貼了治療費用歡迎向牙醫查詢」：
我一開始已多次向牙醫表明，我的牙齒一向健康，過往從未補牙，對杜牙根更是完全不認識。當時我正躺在診症椅上，承受著極度的生理劇痛。
Translate
1.2K
318
62
996
試問，難道依位女牙醫認為，一名正在受苦的病人，有能力在診症椅上主動四處觀察牆上的微細告示，而非由專業醫療人員主動清晰說明嗎？（況且當刻診症室內，實際上只有我與牙醫兩人在場。）
想請問下大家，係打麻醉或實施任何侵入性治療前，一個註冊牙醫難道不應該「主動」清晰披露完整風險、治療流程及預計費用嗎？ 我嘅感覺係對方不但沒有正視一個病人係求醫時無助境況，反而係事後指責病人沒有主動「了解」和主動「觀察」，甚至向我發出律師信要求致歉及移除有關就診經歷。
我只係如實反映親身體驗，希望公眾及網民對此求醫程序給予客觀意見。但依位牙醫事後嘅處理方式及由其涉事助護而非第三方直接到我住宅交給律師信的手法，令我和家人感到極度驚恐，並感受到前所未有的心理威脅與壓迫感。
目前，我已尋求專業人士及將此事正式轉交相關法定監管機構及執法部門跟進調查。再次感謝大家！
Translate
464
6
1
18
警世文‼️ 如果大家諗住搵依個「女狀元牙醫」睇牙，請三思🥲 估唔到諗住簡單洗牙，最後問你收$12,000!
話說前幾星期去咗沙田新開業嘅牙醫診所(萊濔牙科姚子晴)洗牙，本身每年都有洗開，今次依個「女狀元牙醫」幫我洗到痛到黐線都唔係重點，因為本身有隻輕微敏感牙齒，佢就叫我補牙(之前我從來都未補過，牙齒一直都好健康)，補完就會冇事，聽咗佢講，點知惡夢就開始…
補完牙一星期，隻牙反而越嚟越痛、更加敏感，仲多咗牙痛嘅感覺，連瞓覺都有影響！佢叫我返去覆診，佢解釋係補料敏感，幫我重做。結果完全冇改善，今日痛到要再返去。
今日佢Check完話隻牙睇過表面冇問題，係入面問題，建議即時杜牙根。咁我從未杜過牙根亦都唔係好了解，就諗住問多啲資料，佢就直接話：「唔杜隻牙遲下隻牙就會死同甩！」
「之後隻牙可能會慢慢唔痛，但其實壞死緊！」
留言區待續
Translate
1.4K
344
69
1.9K
咁我嘗試了解更多啦，佢都係話得依個方法，咁個一刻就信咗佢，只係想冇咁痛🫠 佢就9秒9立即幫我打麻醉，然後叫我出去照X光等下。
出咗去等，我再追問牙醫助理詳情，佢就話可以俾個優惠價$6,000 杜牙根（嗰陣已經幫我打埋麻醉），我就問佢做完會唔會有咩後遺症隻牙好易脆，佢先講話強烈建議做埋牙套，唔係嘅話隻牙就好易散，總共收費係 $12,000。
咁即時問番佢，點解啱啱問個陣又咩都唔講清楚，仲咁快手打埋麻醉….佢竟然答我之前未知價錢❓❓咁我就話咁突然，緊係要諗下啦，即走。
之後上網先發現杜牙根其實係令牙齒死亡無得逆轉，但依個「女狀元牙醫」從來避開冇提過，只係不斷講你依個情況唔杜牙根，隻牙遲早會壞死。唔明點解本身一隻好輕微嘅敏感牙齒會變成要殺死我隻牙…越整越嚴重。
大家有冇試過依類由洗牙變叫你杜牙根嘅情況？ 大家點樣處理敏感牙齒，定係其實要相信呢個牙醫嘅講法？
Translate
243
7
2
40
Log in to see more from dennis11101.
Log in or sign up for ThreadsSee what people are talking about and join the conversation.Log in with username instead
Continue with Instagram