眨下眼，九巴不知不覺已經93歲啦🎉！由1933年開始，我哋一直風雨不改咁陪住大家穿梭香港嘅大街小巷，絕對稱得上係各位香港人最熟悉嘅「老朋友」😎！喺度要衷心多謝大家一直以嚟嘅支持同陪伴❤️！

今年生日大日子，九巴仔特登預備咗個大驚喜畀大家🎁！「九巴93周年主題巴士」（車牌：RE1213）正式起行🚌💨，主力行走93K 線，來往寶林及旺角東站📍！呢架主題車唔單止型，車尾幾條唔同顏色嘅線條，代表住九巴唔同理念：

🔴 紅色 ── 服務：無論晴天雨天，九巴 都會謹守崗位，為呢個社會發展提供動力

🟢 綠色 ── 環保：九巴一直大力推廣綠色運輸，帶頭同大家一齊減碳，做個環保達人，愛護地球

⚪ 白色 ── 智慧出行：邊個話搭巴士無新意？九巴仔最鍾意玩新科技，務求帶畀大家又好玩、又方便嘅乘車新體驗！

🟠 橙色 ── 關懷：九巴仔一向都係暖男嚟架！無論你有咩特別需要，我哋九巴團隊都會無微不至咁照住你！

各位準備好去野生捕獲、打卡集郵未先📸？事不宜遲，快啲同九巴一齊大聲講句「Happy Birthday to me」啦💬！

你可能感興趣

App1933 廣告查詢

古埃及文明

流星雨攻略

經典懷舊棋

BB牙膏怎麼選？3招輕鬆搞定