2：Yahoo香港5年前，就成立自家新聞團隊，我自己作為讀者之一，我觀察到嘅就係，佢哋一直有口碑亦有廣告。有員工表示，「好突然架，大家都係今日先收到大信封。」

3：有另一位員工亦指出，其實呢5年來，佢哋年年有錢賺，「作為媒體，我哋有流量、有公信力、成本低、有得賺，呢個年頭真係算係咁。仲要公司已經跑到爆晒數，Q1已經跑完Q2、Q3要跑嘅target，所以我哋唔係冇生意架。」

4：論公信力，據牛津「路透新聞學研究所」發布《2025 年全球數碼新聞報告》，Yahoo新聞品牌信任度達68%，香港網媒公信力第一。由前年「充氣奇蹟」風波、上年熱氣球節甩轆、到近期宏福苑大火，單單都跟得好。

論廣告，消息人士就話：「其實我哋左中右廣告都有，同時又keep 到編採自主，喺香港都算係一個幾獨特嘅存在。」

5：做到生意，咁點解要執呢，有員工就表示，主要係公司問題。佢透露，公司其實上年底已公佈全公司cut budget，cut 最少四成，其實都係對我哋一個warning，「我相信公司嫌我哋賺得唔夠多錢。」

6：話說，Yahoo喺2016年，被美國電信公司Verizon以44.8億美元收歸旗下。不過5年後，亦即係2021年，Verizon就將九成股權，賣咗俾私募基金Apollo。

「啲基金佬都係睇邊度生意margin多，就算我哋喺香港market已經好叻都冇用，因為銀碼上真係比其他地方細。咁冇計架，本身香港個市場真係細，而基金佢最大目標係賺錢exit，又唔需要拎個影響力。不過係真係好可惜，我哋唔係做唔到，唔係做唔好，但母公司睇嘅唔係呢啲。」

7：往後，1999年已打入香港市場嘅Yahoo，香港業務只會得返Mail及Search，留得低相信都係因為冇咩成本，咪keep喺度擺吓。Yahoo拍賣、Yahoo有緣人，都已經成為集體回憶，係估唔到連Yahoo新聞都留唔住。

最後，作為讀者，想多謝雅虎香港新聞過去呢5年嘅努力，你哋嘅努力係有被看見。 Yahoo 新聞